الخرطوم: رحمة عبدالمنعم
كشفت الإعلامية السودانية تسابيح خاطر، المذيعة بقناة (سكاي نيوز)، أنها ستشجع منتخبات “ألمانيا، المكسيك السنغال وكرواتيا” في مونديال 2022م، الذي سينطلق الاسبوع القادم بدولة قطر.
وكتبت تسابيح في صفحتها الرسمية على موقع (الفيسبوك): “خايفة أقولها يتنحسوا بس منتخبات التشجيع الأولى بالنسبة لي في المونديال ألمانيا المكسيك السنغال كرواتيا، لو طاروا بدري ما دخلي بيكونوا ما إتدربوا كويس”.
وتفاعل عدد من رواد مواقع التواصل الإجتماعي مع منشور تسابيح، وعلّق إبراهيم عبد العزيز “عن نفسي اشجع البرازيل- البرتغال وباقي المنتخبات العربية والافريقية، لكن اول مرة اشوف زول بشجع المكسيك”.
وكتب آخر: ” شجعي لينا فرنسا خليها تطير بدري وما تشجعي السنغال عايزنها تمش قدام”، وكتب ثالث: “انا غايتو منتخبي الأول المانيا.. ومتعاطف مع الارجنتين والمنتخبات العربية والافريقية الباقي ما دخلني بيهم”.