منوعات

“الجقر” يكشف الحقائق الكاملة لقصة الصورة الفاضحة للممثلة التي شاركت معه في عمله الجديد…كيف تسربت وانتشرت وما هو رد فني المونتاج المسؤول؟

الخرطوم _ عزة برس

نشر الفنان والممثل السوداني أحمد الجقر تدوينة كشف من خلالها التفاصيل الكاملة للصورة الفاضحة التي أثارت ضجة واسعة على وسائل التواصل الاجتماعي.
وقد حكى الجقر كل التفاصيل عبر تدوينة له على حسابه الرسمي عبر عملاق مواقع التواصل الاجتماعي فيسبوك. وقال الممثل في حديثه: خلود ابوبكر رغم اني ما بلتفت للقصص الزي دي لكن سنتحدث فقط عشان خاطر البت الحقها في رقاب كل الناس النشرو صورتا دي الحصل كالتالي: الحلقة نزلت وانا ف المطار مسافر دبي لاحياء عرس هناك، طيارتي كانت الساعه ٨ مسا سبحان الله مع. زمن نزول الحلقة لمن وصلت الامارات لقيت الدنيا مقلوبة وطوالي حذفنا الحلقة من اليوتيوب، ولمن اتشاكلت مع بتاع المونتاج حلف بي ربنا انو ما شافا لانو الحركة دي حصلت في اقل من ثانية وقال لي بالحرف انا كزول طبيعي وزول سوي ما حركز هناك في رجليها بركز مع المشهد مع العلم هذا المشهد لم يتجاوز جزء من الثانية وانا لمن جيت حضرتها لقيت انو انت كانسان طبيعي بتحضر في كوميديا ما حتركز هناك الا تكون اصلا ناوي نيه معفنة قصادنا ونحن حذفنا المشهد. من اليوتيوب لكن لو لاقاكم المشهد ده حتلقو انو الحركة دي حصل في. جزء من الثانية وشي ما تامي ثانية لكن وين مع ضعاف النفوس القلوب المعفنة والحقد والغل. والحسد الناس النزلت صورة البت دي الناس العملو الفيديو بالبطيء عشان يفضحو البت ياخ ان شاء الله مبسوطين براااافوووووو فضحتو البت اها كيف مبسوطين. حاسين بالفرحه والانجاز ؟؟؟ كمية الصفحات النزلت الغلطة دي ما اقل من ٤٠ صفحه والغريبة. كلهم عارفين في مسلسل اسمو زوجان ولكن ما جابو سيرتو ولا بالغلط لكن لما لقو فرقة زي دي جندو كل ما عندهم من قوة قصاد بت لا حولا ولا قوه لها والله العظيم انا كنت بتمنى الموضوع ده لو بخصني انا في شخصي لاني متعود عليكم. وبعرف ليكم كويس لكن دي بت مسكينة ياااخ مشاكلكم معاي وكرهكم والحقد ما تخلصوها مع زول تاني لو عندكم مشكلة معاي اخلصوها معاي انا ما مع بت لا حولا لها ولا قوه انا متعود عليكم لي سنين. وبستمتع جدا بي مهاتراتكم دي وببرمج بيها عموما نحن كطاقم زوجان ولكن وكل الممثلين بنعتزر للممثلة خلود عن ما حدث نتيجة خطأ كان ممكن يتعالج بطريقه بسيطة جدا تعليق واحد ولا رسالة لينا ( ي اخوانا في المشهد الفلاني فيهو مشكلة ) كنا راجعنا الموضوع وحذفنا اي شي واجلنا الحلقة لكن للاسف الشديد الصفحات استلذت بي الفضيحة فرحت بالخطأ وكبرتو ونشرتو علي اوسع ما عندهم ياخي وانت بتنشر دي لو اختك كيف وكيف كنت حترضى؟
عموما ابشركم. البنية خلود من امس بتتحسبن في اي زول نشر الصورة دي وربنا عالم وربنا موجود وعالم بالنوايا. والنفوس وكل زول بياخد ع قدر نيتو والبوست ده انا منزلو عشان بس اوضح الحاصل بخصوص بتنا خلود انما. الحرب. والحمله الدعائيه المعاكسه دي احب اقول لكل الصفحات الجاهدت جدا انها تشوه سمعه زوجان ولكن وتوقفو احب اقوليكم والله الا يوقفو رب العالمين ده الأقوى مننا وبنخافو غيرو مااااااااف تحيه كبيره لكل البحبونا وبنحبهم والبحضرونا والداعمننا. والله العظيم بنحبكم اضعاف ما بتحبونا وابشركم الحلقه الخامسه حتضحكو. كالعادة وتنبسطو قناه البلد الساعة ٩ مساء اليوم استمتعو ا واخيرا. بالنسبه للناس. البتمنو اننا نفشل وبذلو كل مافي وسعهم عشان يفشلونا احب اقوليكم لسسسه الموضوع ده داير جهد منكم اكبر من ده. بي كتير.

رصد النيلين

مواضيع ذات صلة

“عصب هش”.. واقعية أم انسلاخ عن الهوية السودانية؟.. مسلسل “عصب هش” يواجه انتقادات واسعة في السودان

عزة برس

بسبب طفل فلسطيني شهيد.. مسلسل “لانش بوكس” يثير غضب المشاهدين فنون بسبب طفل فلسطيني شهيد.. مسلسل “لانش بوكس” يثير غضب المشاهدين

عزة برس

مسلسل يثير غضب الشارع الكويتي.. وبيان رسمي من وزارة الإعلام

عزة برس

الزرقاء تكسب توقيع نجم برامج المنوعات والجولات الخارجية مصعب محمود

عزة برس

نجوم المجتمع يزفون صحفية سودانية مشهورة لعش الزوجية

عزة برس

الرياض تسمح للزوار بالتحليق عاليًا في الهواء ضمن فعالية “سوبر فلاي”

عزة برس

اترك تعليق