الخرطوم _ عزة برس
نفذت لجان المقاومة بالعاصمة الخرطوم تتريس شامل بكل الأحياء صباح اليوم الأمر الذي أفضى لشل الحركة كليا
وكانت اللجان التي أعلنت لهذا اليوم ويوم غدا الأربعاء منذ وقت باكر، وقامت مساء أمس الاثنين بإصدار بعض التوجيهات لأعضائها بخصوص الترس ورد فيها كما نشرتها بالعامية.
نص التوضيح:
اول شي عربية الإسعاف والناس العيانة والضروريات المهمة شديد اكيد ح تمشي ونفتح ليها الترس، بس غير كده قفل واحتفل..
تاني شي يا ثائر.. خلي بالك انو الترس هو البحميك ما انت بتحمي الترس …يعني تترس وتبقى مارق لو حصل اي قمع عشان سلامتك أهم من الترس.
وممكن ترجع تاني تترس بعد المليشيات الانقلابية تتراجع…
تالت حاجة ما تشتبك مع مواطن بقدر المستطاع،،، حاول ناقشو واقنعو بي فهم التتريس عشان شنووو…
رابع نقطة ودي أهم نقطة التتريس لأزم يكون قوي شديد و لكل الشوارع الفرعية والرئيسية
عشان الناس العايزة تفشل الإضراب تلقى الترس لحدي باب بيتها وتقنع من الطلوع نهائيا…
خامس حاجة “صفرجت” …يعني ترس مان حرص مان كلو فداء الوطن…
#مليونية24مارس
#اضراب_الثلاثاء_الاربع