..
عمك عجوز في بلدنا . جا خاشي الصباح لقى بنته قاعدة مع أمها بتشكي زوجها . امي الراجل دا جوعني وخلاني عريانة ما بكسيني . خلقاني الفوقي المرقن بيهن من بيت أبوي الواقف بسمع كلامي دا ؛ فتدخل العجوز ها وبتن ! فقالت يومي كلا برد العد وبحلب وبخدم وبقش التنادل . فواصل أسئلته ها وبتن ؟ وبكتلني _ اي بضربني_ وبخيل قوي من الشهر للشهرين نصية الزيت ما بجيبها . الزول دا يطلقني الضحى دا فقال العجوز ..زهرة _ مخاطبا ابنته _ النسعلك ! الزول البتشكي دا غصبناك علي ؟ أمك البتسمع معاك دي انا قل ليكو هو واهله ما مشكورين . وقلبي ما بدورا قعدتن لي حسبك والله فوقك والرسول قدامك . والسترة والاخيدة قسمة . والغالي تمر السوق وبالفاتحة بندورا ! توا داك لقيتنا . انا وقت ما جبرتا على زواج ما بحنسا في طلاق . فزن قومن سون لي شاي وسوطن لي عصيدة جايني ضيوف . يسوطكن البلاء . ثم التفت الى الابنة زهرة ..الله يصبرك يا بنيتي تمر السوق بدور عرفة وات شلتي المسوس . بعد رأسك جا الله بشوف ليك فرج . برفع بلاه براه متل ما نزلا ..سون الشاي كترن التفل وما تخلن البراد يغلي وجيبن لي لبن بدور اطعن بي الشاي
…
نوار
